قصيدة لشهداء الثورة

كل الحكايه بحبها كل الحكاية انا ابنها
حلفت لآخد حقها و دمي سال علي ارضها
لحظة ما قلبي وقف سمعت دقة قلبها
لحظة طلوع الروح كانت بتضحك شفتها
قلت النهارده العيد و هموت فداكي شهيد
مدتلي هي الايد خدتني ف حضنها
كل الحكايه اني عايش بيكي
مهما عنيا تشوف مليش حبيب بعديكي
وحتي لو تجرحي جرح الحبيب مقبول
و حتي لو تظلمي الشكوي منك ليكي
في صدري دخل الرصاص و دمي كان التمن
وازاي اخونك يا بلدي و انا في الاساس مؤتمن
احزن عشان تفرحي و اتعب عشان راحتك
بعدي ولادي خدامينك و يشهد عليا الزمن
دم الشهيد علي ارضها بيحكي حكايه
عاشق ترابها و شعبها لحد النهايه
اقل مهر اقدمه روحي و حياتي
لحبيبتي مصر أم الجمال و الحسن ايه